ViuTV《胸X計》 Coffee 林芊妤被迫食屎！
ViuTV節目《胸X計》，搵來三位出曬名身材勁爆的女星，分別係林芊妤（ Coffee ）、崔碧珈( Anita )及夏尉喻（Barbie）擔任主持，三女一直被外界標榜其身材，但工作上的成就往往被忽略，好多人甚至會話佢哋係「波大無腦」！三女今次節目中為自己大平反，藉整蠱其他藝人顯示出智慧！第一集中，Coffee就被整蠱專家Kevin Boy(KB)安排去電台做一個假訪問，期間被麻煩女主持Pinky刁難，更被要求食屎！到底Coffee會唔會為藝術犧牲？ 假訪問 真整蠱 不過三位靚女整蠱人之前，先要被整蠱！KB已經為三女度身訂造咗一系列的考驗，睇嚇佢哋醒唔醒目，同埋到底有幾玩得！Coffee就被安排到電台接受一個假訪問，期間會被麻煩女主持Pinky百般刁難！唔知佢頂得住冇？
惡女Pinky一開始喺後台已經出招，指住Coffee個位話係自己坐開，嚇到Coffee即刻彈起身讓座，仲恐怖過港鐵關愛座！之後Pinky又對Coffee衣著要求多多，先，要佢換完紅衫又換綠衫，著到九唔搭八，但Coffee完全冇say no！
以笑遮醜 冇發脾四 Coffee真係聽教聽話，著到咁騎呢都冇詐型，然後開始接受「訪問」。點知Pinky問啲問題完全出乎Coffee意料之外，先叫佢講出5隊外國重金屬樂隊，又問佢如果參選特首的話會用咩口號等等麻煩問題… 不過Coffee完全冇發脾四，好老實咁講自己唔識，以笑遮醜，小編鍾意佢夠真！
終極考驗 － 食「屎」 最後去到終極考驗，Pinky竟然拎出一碟三條的大便，要求Coffee同KB可以食屎，製造熱話！小編隔住個mon都覺得噁心，不過Coffee依然保持專業態度，一直保持笑容咁拒絕食！如果係其他人，好可能已經爆粗走人…… 
不過KB點會放過Coffee，佢假裝同工作人員鬧交，令Coffee感到為難，試圖令佢就範！ 
甘願犧牲的Coffee 結果Coffee見現場環境咁凝重，真係就範，主動開口話肯食！就問可唔可以只用叉食少少…KB見奸計得逞，就用手拎起啲「屎」，一嘢塞落Coffee個嘴度！
媽呀好核突呀！ 其實呢啲「屎」係用食材製成，可供食用！不過見到Coffee成個嘴同頭髮都黐滿曬，雖然明知係假，但都覺得好核突…… Coffee雖然被整蠱，不過都係冇發火，仲一路大笑！今次佢咁慘，希望佢之後可以痛快咁整蠱番其他人啦！ 
來源：hk.mobi.yahoo.com|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
八到出汁
