【實不相瞞，真人經歷】鍾意去爆房既情侶要注意

:0:0

唔知關唔關土地問題事，香港人情侶要解決需要，地方真係一個問題，唔少人會選擇去酒店開房解決，不過咁......實不相瞞，真人經歷，唔信可以唔睇...

好up dup果啲房仔去過既人都知道果啲地方多數無窗，有都係封住或者長期鎖住，無人會打開，
又陰暗又長年不見天日既地方最易有「朋友」逗留，我同佢都有帶佛牌，所以覺得唔會有事。

果一晚佢話肚餓，買左盒燒味飯上房食，最後都無食到，第二朝佢番工好早，嘈醒左我，於是就諗住食支煙先再訓多陣，
佢起身當早餐咁食番個飯盒，我其實未訓醒，矇矇矓矓咁無理到佢就訓番。

唔知訓左幾耐突然醒左，成身無力，我以為係未訓醒，諗住再訓番，突然眼尾好似見到門口有人影，想擰轉個頭望真啲，
心諗佢番工唔通無鎖番門? 但係竟然成身包括個頭都郁唔到，跟住望到個半透明人影行埋床邊唔知坐低定wu低身，
我即時標冷汗，幾經辛苦合埋眼。

矇矇矓矓咁唔知過左幾耐，再睜開眼，仍然係全身無力郁唔到，成身已經係汗濕，望下床上面，個人影竟然坐左係床角面向住我，
比我感覺仲要係望住我，不過係一直睇唔清楚五官，突然「佢」扯開我張被，我即刻半身同心都涼一涼，下意識就唸經，
唸左幾句我就好攰，洽埋眼訓著左。

再醒果陣全身勁軟無曬力，但終於個身郁到，望左間房一眼之後即刻爬起身拎番個佛牌帶，唔知咩原因個佛牌竟然比條毛巾遮住左，
帶番之後再仔細望下周圍，先至發覺我醒果陣張被係完好無損咁蓋住，有啲奇怪果陣比我見到好震撼我既野。

食剩果半個飯盒竟然係打開住放係檯面，而且面向牆角，側邊有支蒸餾水，前面仲有插住菸頭既米缸!!
我頓時覺得頭先所有野都真係有發生過，心入面勁寒之餘當然係點支煙定定驚先，再打電話比男友大鬧佢係咪想害死我，
佢初頭仲想話我阻住佢做野，聽我講完咩事同埋佢留低個「陣」之後，佢都沉默。

事後佢托佢住泰國既呀姨請一個保平安既佛牌比我

1. 沖涼間：
香港腳嘅病菌生存期好長，所以沖涼間嘅地板、浴缸都係危險地帶。洗手盆、水龍頭呢啲無咁顯眼嘅地方都可能係細菌的溫床。
對策：
帶定酒精去先清潔一下可疑地帶，淋浴時最好著人字拖，仲要勤洗手。

2. 床舖：
時租酒店有啲時段好繁忙，管房阿姐執房執到手軟，偶然唔小心換漏咗部分嘢，又或者清潔漏咗啲嘢都唔出奇。
對策：
問阿姐攞多一套床單、被舖、枕頭套，自己舖多一層會比較安心啲。

3. 免費套：
拉開時租酒店嘅床頭櫃，有時有啲未開封嘅套喺裏面，唔知係上一手留低定係酒店提供嘅，唔知會唔會係俾人喺乾柴烈火、隻手唔知乾唔乾淨嘅情況之下攞起過又放返低......
對策：
自備私伙。

4. 水杯：
有啲酒店嘅水杯會每隻獨立包裝好，有啲唔會，始終間房人來人往，隻杯又唔知擺咗幾耐，用肉眼睇唔到佢嘅衛生程度。
對策：
使用之前用熱水沖兩分鐘，或者自備水壺。
5. 遙控器：
呢樣嘢最唔顯眼，但又經常俾人摸過用過，被清潔嘅密度未必有床單、馬桶咁高。另外燈掣、餐牌等同佢都算同類。
對策：
記得要勤洗手。

6. 地氈：
就算有人日日吸塵，地氈始終都係容易藏污納詬嘅地方，尤其係喺啲傢俬擋住咗嘅位置。
對策：
著拖鞋，唔好將啲衫放喺地上。
溫馨提示：
間間酒店嘅衛生水準都唔同，最好同朋友交流下心得，細心選擇。有啲女生覺得男生唔同你「過夜」係無誠意，不過都要睇環境嘅，如果個環境唔係特優美特浪漫特舒服，又何必呢？
文章未完，點擊這裡閱讀全文!