【M4 GTS心臟移植】598匹LW M2 CSR極度偷輕

Photos: LightWeight Performance/Jordi Miranda寶馬（BMW）M2的確係近年少有咁高水平嘅FR玩樂車，入場門檻唔算太高，日用性與高性能兼備，個Dual Clutch自動波箱又咁鬼醒，總之就係……好正啦。據聞facelift版M2可望於今年第四季左右公布，至於輕量版M2，已密鑼緊鼓喺歐洲測試，有心「進場」，好盡快親自同代理索料。


M2底子好，又多升級件，「好受改」，有改開寶馬嘅歐洲改裝商都會改一步，Show吓實力。好似去年由AC Schnitzer嘅ACL 2，570匹，6速棍波，好RAW兼好惡，一定可以成為歐洲汽車改裝界嘅經典。


最近，德國改裝商LightWeight Performance公布佢哋最激嘅M2改裝方案CSR，CSR代表Carbon Sport Race。


引擎來自M4 GTS嘅S55型3公升直6 Twin Turbo機器，進氣系統及渦輪增壓器均有所改動，最大馬力增至598匹，峰值扭力78.2kgm，3000rpm-6200rpm之間可產生71.4kgm扭力。動力傳到7前速SMG雙離合器自動波箱，不設棍波版。CSR極速可達328km/h。 CSR大幅度偷輕減磅，車重比156嘅標準版M2輕咗約195kg，只有1371kg。車頂、引擎艙蓋圴以碳纖製造，仲有碳陶制動碟、鈦合金翻車保護架等等，都有份幫手剔走不必要嘅重量。




















LW M2 CSR將以complete car形式發售，而車上嘅各項改裝補品亦會獨立發售。我想問吓：可唔可以淨係買個章？

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁