【新蚊娛樂】盤點12+最想得到嘅電影道具！件件經典又實用！

:0:0

電影最美好的地方就係總能夠滿足到我們對於真實世界天馬行空的想像，在現實生活實現不到的事，我們都能夠通過電影來達成宏願，而在電影中出現的道具多多少少都充實了我們的人生，現小編就同大家介紹12件電影入面，大家都渴望真實存在的經典電影道具。
撰文：Clong｜圖片來源：YouTube｜影片來源：YouTube｜編輯：異種火星人
閱讀全文
12件電影中你最想得到嘅道具1. 《國產凌凌漆》：攞你命3000國產凌凌漆中，周星馳嘅師傅聞西喺佢同金鎗客對決嘅時候，聞西拎出咗多年精心研製嘅超級武器霸王「攞你命3000」！集十種武器於一身，包括菜刀、毒藥、火藥、硫酸、單車鏈、手槍、手榴彈…等等，每一樣武器都能獨當一面！

圖片來源：Youtuber

2. 《命運自選台》：命運遙控器人生總有好多個時刻，你會希望可以重來、倒退，如果我哋都有一個命運遙控器，咁樣人生嘅所有時間點，無論係快轉、倒轉定係暫停，都可以由我哋自己決定！

圖片來源：Youtuber

圖片來源：Youtuber
3. 《不能說的秘密》：穿越時空鋼琴+琴譜電影中出現好多穿越時空嘅愛戀，《不能說的秘密》係亞洲電影嘅經典穿越愛情片之一。故事中小雨透過古老鋼琴彈奏琴譜〈Secret〉，穿越20年同葉湘倫相遇，然後相戀。如果你有穿越時空鋼琴+琴譜…首先你要識彈琴。

圖片來源：電影劇照

圖片來源：Youtuber
4. 《賭神》：玉戒指 細個睇完賭x系列，都好希望可以似刀仔、星仔咁賭技出眾，甚至有特異功能。不過特異功能就唔係人人都有嘅，但戴番隻賭神玉戒指，食塊黃色包裝朱古力扮吓嘢先囉！

圖片來源：Youtuber

圖片來源：Youtuber5. 《銀河守護隊》：勇度武器飛箭有睇過銀河守護隊都知Yondu嘅絕技就係飛箭，一吹口哨就可以將久衛箭控制，任意殺人。

圖片來源：Youtuber
6. 《黑超特警組》：記憶消除器每個人都有自己唔想再記起／唔想人哋記起嘅事，如果有支記憶消除器，只要一個閃光就可以消除人嘅記憶，還可以求其作一段記憶畀對方，實在係居家旅行、殺人滅口之必備用品啊！

圖片來源：Youtuber

圖片來源：Youtuber
7. 《回到未來》：時光機經典老車DeLorean DMC-1280年代經典科幻電影《回到未來》（Back to the Future），相信每個人就算冇睇過，都會有啲印象。當中入面有好多當年觀眾想要嘅超現實未來科技，雖然好多都預言成功，好多科技都喺今日實踐咗。但係唯獨帶男主角同博士回到未來嘅時光機老車依然喺現今嘅科技仲未能夠實現到。

圖片來源：Youtuber

圖片來源：Youtuber
8. 《死亡筆記》：夜神月死亡筆記本由漫畫、動漫、真人電影到真人電視劇，相信大家對死亡筆記都唔陌生。細個仲可能買過一本真係叫“Death Note”嘅筆記簿返學，如果真係有死亡筆記，你又會唔會寫人名上去？

圖片來源：Youtuber

9. 《恐懼鬥室》：捕獸機關《恐懼鬥室》電影中有好多唔同嘅殺人懲罰機關，印象最深刻一定係第一集嘅爆頭捕獸器，只要一戴咗上去，限時60秒之內解唔開就會爆頭，係咪聽到都想要番個送畀最有腦嘅腦細呢？

圖片來源：Youtuber

圖片來源：Youtuber

10. 《哈利波特》：魔杖哈利波特畀咗一個魔法世界我哋，陪住我哋成長，除咗諗起識飛嘅掃帚之外，就一定係諗起魔杖啦。「疾疾護法現身！」，「去去武器走！」依幾句魔法術語有邊個會唔識？

11. 《天若有情》：戰車RG500鈴木講起《天若有情》，你會諗起咩？係咪同小編一樣諗起華Dee揸住電單車載住Jojo去婚紗店，用垃圾桶打爛櫥窗拎件婚紗畀Jojo著，再一齊去教堂？當年90年代嘅港產片經常有電單車嘅情節，所以當時掀起咗一時嘅電單車熱潮，好多人都希望擁有一部戰車，好似華Dee咁型。