《綠豆》班底再拍劇！林保怡、周家怡合演ViuTV新劇《歎息橋》 | 娛聞樂 | 膠Hub

ViuTV自家製作的劇集《瑪嘉烈與大衛系列 綠豆》，改編自同名的網絡人氣小說，道出一男一女的愛情故事，最重要係劇情夠晒貼地，尤其描寫男女關係夠晒到肉，網民大讚勁有共鳴！
而昨日林保怡、周家怡、衛詩雅及伍詠薇等一眾ViuTV愛情懸疑劇《歎息橋》演員，到灣仔香港影視娛樂博覽為劇集宣傳，《歎息橋》會用《綠豆》班底，唔少網民都話有保證，一定支持！
 
撰文：東方新地 ｜圖片：電視截圖、新傳媒圖片
閱讀全文
《綠豆》班底再拍新劇《歎息橋》《歎息橋》林保怡、周家怡、伍詠薇及衛詩雅等一眾ViuTV愛情懸疑劇《歎息橋》演員，昨日現身到灣仔香港影視娛樂博覽為劇集宣傳，劇集於香港及歐洲取景。




伍詠薇在現場投訴她跟周家怡沒有份去瑞士，但遭保怡反擊：「帶你哋去就拍唔到，你哋實掛住玩！」今次是保怡首任監製，他坦言壓力大：「我每日第一個到場，香港拍咗50日至去比利時拍6組戲，每一日都好早起身。」

活動上伍詠薇和周家怡投訴比利時外景沒她們份兒，伍詠薇笑稱她們二人旺，如找她們同行便不會下雨。林保怡說：「在港拍完50組戲便赴比利時取景，在當地拍6日，每天早起，天氣又寒冷，不去也罷！」










 


精采回顧：綠豆變綠帽！《瑪嘉烈與大衛》 網民激讚《瑪嘉烈與大衛 》劇情講到瑪嘉烈(周家怡飾)與大衛(林保怡飾)雖已同居屋簷下，但不禁同床異夢，因為瑪嘉烈與大衛的好友趙子龍(潘燦良飾)關係非比尋常，之前仲喺摩天輪熱吻！而大衛亦同客人Diamond(廖碧兒飾)關係撲朔迷離，今集大衛到底會否出軌？

 
劇情講到瑪嘉烈(周家怡飾)同大衛(林保怡飾) 雖然已經同居，但就同床異夢，全因瑪嘉烈與大衛好友趙子龍(潘燦良飾)關係密切，仲在摩天輪咀埋！真係睇到觀眾眼火爆。
大衛本身諗住上房接Diamond返屋企，點知對方叫晒Room Service請佢留低食飯。之後索爆又飲到半嗔半醉的Diamond躺在床上，話要你留低陪佢「傾偈」，相信唔少觀眾同小編一樣睇到心癢癢！不過大衛只係淡淡然咁話︰「傾偈可以去其他地方，呢度始終係酒店，如果俾人見到就水洗都唔清。」果然係個定力十足的好男人！




平時甚少講自己感情事的大衛，呢晚可能幾杯落肚於是大吐苦水，將長久以來壓抑的情感抒發晒出嚟，有唔少觀眾話睇到眼濕濕！

Diamond聽聽吓瞓着咗，不過大家可以放心，係並沒有任何下文的。
至於同一個晚上，瑪嘉烈就同咗趙子龍去按摩，仲要試咗個「情侶套餐」鬼咁開心。對於佢呢種「朋友妻，當好西」的做法，觀眾當然係睇到咬牙切齒！


有睇開呢套劇的朋友都知道，每集末段都會有林海峰的一段旁白，而呢一集林狗一段話更令觀眾聽得心隱隱作痛︰「當發現自己變咗心，可能或者會覺得內疚。但你最想嘅唔係向情人坦白，而係希望對方同你一樣，愛上另外一個。」真係好到肉！



網民點睇︰最正都係呢個留言，話劇名應該由「綠豆」改成「綠帽」！




「我幾時有講過呀？」《綠豆》道盡女人善忘而呢集就講到大衛如常揸Uber載客，原來今次係大家都好熟悉的河國榮call車，佢仲讚大衛部車好靚。不過去到目的地之後，有幾位警員早早守候，大衛仲以為佢哋係要拉河國榮。呢個時候河生就表露身份，原來佢係重案組探員，今次放蛇捉Uber司機，大衛中伏！

其實瑪嘉烈同趙子龍關係非比尋常，大衛豈會不知？不過為咗維繫呢段感情，佢選擇默默承受。但呢個moment佢終於要爆啦！俾人拉返警署已經夠慘，仲要瑪嘉烈一句撻埋嚟：「我其實真係唔明點解你會俾人拉囉！」唔爆就假！


大衛：「(點解俾人拉)因為我揸Uber呀，係你唔鍾意的士佬叫我揸Uber呀！」

瑪嘉烈即時反擊：「嘩你咩都賴晒落我度，我幾時叫你揸Uber？我冇講過嘅嘢你唔好屈我喎！」不過咁，其實冇人屈佢，因為瑪嘉烈在第三集時的確有講過…...


睇到呢度，相信唔少男士都好有共鳴… 唔少人話「女人總是善忘的。」有啲說話自己明明講完又當冇講，明明冇講又話自己有講。「我幾時有講過呀！？」OK就算男方清楚記得，一樣可以話你記錯。好啦如果你打算認真討論落去，女方第二張王牌可以出動：「咁你即係唔信我啦！？我哋一齊仲有咩意思呀？」

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁