【有片】譚仔音大媽單挑第一城鎖車隊　9叫發難壁咚送波餅求解鎖

:0:0

「第一城鎖車隊」以秒速鎖車嘅奇技聞名於車壇，令住喺沙田第一城嘅車主聞之色變，任何車輛只要司機一落車，違泊喺屋苑範圍內，鎖車隊都會立刻殺到鎖車，邊個都冇面俾，如此超高效率，令鎖車贏得「F1 鎖車隊」嘅美譽！日前有一名操譚仔話嘅大媽，竟然膽敢單挑鎖車隊，大媽呢種生物果然係有一般人類冇嘅膽量！
撰文：B | 資料來源：馬路的事討論區
Cap嚟見我
譚仔大媽亂泊車中伏威迫第一城鎖車隊就範解鎖有網民喺 Facebook 「馬路的事討論區」群組發放一段影片，一名操譚仔話，一身「街坊裝」粉紅色T恤裙X踢拖，手執一袋「順豐」包裹嘅大媽，同一名第一城鎖車隊嘅職員拉扯中，大媽叫囂：「一分鐘喺度攞順風嘅嘢，又唔係第一次喺度囉！」咁咪即係自爆唔係第一次唔守規舉亂咁泊車，咁仲要怪人哋鎖咗你架車？大媽邏輯嘅嘢⋯⋯你唔好理！佢有佢繼續咆吼：「通融下㗎嘛！」、「連一分鐘都唔俾！」、「你真係蝦人㗎咋！你蝦人㗎咋！」一邊9叫咆吼，一邊「壁咚」迫個職員埋自己架車，又以「波餅」壓人，務求令到鎖車隊就範，立即幫佢解鎖，當然係不得要領啦！呢度係香港嚟㗎！講規舉㗎嘛！

大媽架車被鎖（影片截圖）

大媽同職員拉扯中（影片截圖）

把口講唔掂就出手（影片截圖）

把口講唔掂就出手（影片截圖）網民：涉嫌非法禁錮，毆打他人，胸部襲擊所謂識睇一定係睇留言，網民睇完呢段片之後留下唔少啜核留言：「咁樣拉扯個男人，仲以為係桃色糾紛」、「仲以為係勞資糾紛」、「強國人遇上第一城鎖車隊，呢個組合無敵啊！」、「阿姐咪趁機非禮叔叔wo..有晒片為證咖」、「位新腥港人涉嫌干犯非法禁錮，毆打他人，最重條罪係用佢個胸部襲擊人，有片為証，無得抵賴！」、「鎖埋個女人把口」、「似老婆追家用」。