得一知己死而無憾 沖繩飄移夫婦
:0:0
男人一生中會有好多興趣,而又當中有好多都係女人不能夠明白:為隻Game個個月課金幾百?成千銀買隻Figure返黎鋪塵?幾皮嘢買部古董機影黑白相?對女人黎講呢啲就叫「曬錢」。要搵到一個唔反對你發展(要錢嘅)嗜好嘅女人已經難,如果要搵一個會被你感染而玩埋一份嘅女人就更加難!偏偏位於沖繩嘅飄移愛好者Alex就搵得到。
根據《Speedhunter》報導,Alex 於2003年接受一份合約工作而去到日本沖繩,一向愛車嘅佢因為跟朋友去參加一個活動而愛上飄移,於是自己砌咗部JZX100 Toyoya Mk II,甚至考到D1車牌、搵到當地贊助,展開飄移嘅生涯。可惜接住落黎日本經濟變差,作為合約員工嘅Alex首當其衝失去工作,被逼賣車。好在佢之後搵到長工,於是重燃飄移之心,搵黎一架Nissan Silvia S15,花兩年時間改裝成其飄移戰車。
首先佢於避震落功夫,用上Kei Office同Cusco嘅避震,加上Tein Super Drift減震器,提供一個極適合飄移,但又唔會令日常使用太辛苦嘅乘坐感。326 Power Knuckles(可調式支架)加大轉向角度,配上輕量嘅18x10吋 RAYS Gram Lights 57DR轉圈。副作用係會令前輪於轉向至最大角度時頂到前後水撥嘅兩個水糟,所以前水糟換成S14嘅單糟,後水撥成個移除。
至於動力方面,原本嘅2.0L Turbo引擎其實都算唔錯,但因為Alex原本部Toyota引擎有加大馬力,所以對佢黎講就唔夠喉。為此佢將Turbo換成Garrett GT2871R、加大前散熱、換上Splitfire點火線圈同火咀、750cc燃料噴射裝置、Yashio嘅鈦金屬排氣以及Haltech引擎管理兀電腦。結果就係得出大約400匹馬力,傳送到ORC Super 單離合器波箱同Nismo GT Pro-2way LSD差速器。內部就有Bride 賽車座位、Defi儀表、Nismo波棍以及上面有著名D1賽車手熊久保信重親筆簽名嘅MOMO軚盤。
如果你以為Alex最大嘅成就就係呢部飄移賽車,咁你就真係睇少咗佢。因為佢最大嘅成就係屋企有兩部飄移賽車,而且另一部係佢老婆Yurie嘅。正如所有汽車愛好者一樣,Alex都不停地同身邊嘅人「傳教」,而佢太太Yurie就當然首當其衝。不過有別於其他女人會嫌佢煩、話佢曬時間曬錢,Yurie竟然因此對飄移產生興趣,仲親自落場去學,甚至自己砌咗另外一部S15情侶車。
用上Blitz ZZ-R減震器,URAS車身部件、17吋 Origin Labo DRF-SR7輪圈、Blitz尾翼,Yurie嘅S15同樣有可調節嘅避震同可調式支架加大轉向角度。SR20DET引擎同樣用上Splitfire點火線圈、一個修復咗嘅Turbo,以及同Alex一樣嘅ORC Super 單離合器波箱同Nismo GT Pro-2way LSD差速器。
而且Yurie唔係玩玩下,佢仲真係會揸呢部戰車出戰飄移賽事,而Alex就會做佢嘅工作人員,駕駛裝滿工具同後備胎嘅貨車支持太太上陣。能夠一齊追尋興趣,呢啲咪叫知己囉!
Speedhunter
本篇
不想錯過? 請追蹤FB專頁!
喜歡這篇嗎?快分享吧!
前一頁
後一頁
相關文章
【睇片】睇到都肉痛 鈴木新Jimny撞擊測試出爐
【睇片】世界初!量產車採用 凌志ES鏡頭代替側鏡
【睇片】凌志推出65呎遊艇LY 650
【睇片】NSX不同版本進化 睇資料聽引擎聲
【睇片】歐洲四強者同場鬥 Ford GT/Porsche 911 GT2 RS/AMG GT R/Lotus Exige Cup 430 ...
【移動城堡】Rolls-Royce Dawn
車壇達人
【睇片】年度狂轟!McLaren 720S vs Porsche 911 GT2 RS vs Lamborghini Huracán Per ...
【紫電】Rocket Bunny戰神 主角21吋ADV.1 Wheels
【睇片】癲狂!17歲仔駕Bugatti Chiron考車牌
【好玩三缸】Volkswagen up! GTI
【睇片】軍車就是強 M813 6x6越野跑
【睇片】日本 VS 法國 豐田Yaris GRMN跑贏雷諾Clio R.S. 18
【睇片】踩到返廠 McLaren 720S車主示範0-328km/h加速
【暗黑Wide body】45,000歐元 Fostla改惡樣Cayenne S
【軟篷回歸】全新寶馬Z4 M40i 黃金重量比轟335匹
【天眼通】未來本田睇穿牆 十字路口零意外
追好文 :) 點個讚吧!
已經按讚
支持網站營運,有空請觀看一下我們的贊助商
echo '
';
3