【多圖】黃智雯李佳芯鬥「賣命」搶獎　巴打：XXX演技超晒班！邊有得鬥！

TVB台慶頒獎禮今個星期日就舉行，幾位視后熱門人選都不停出招！就好似黃智雯（Mandy）與李佳芯（Ali）咁，為搶視后寶座，不停出口術，鬥到出晒面！女人嘅嘢，賣慘真係冇得輸，Ali話自己拍緊劇時要入醫做手術，認真係「賣命」，至於Mandy，就話自己為咗拍劇連婚期都可以延遲，連自己下半生嘅幸福都搶埋出嚟，真係好搏命！
閱讀全文
李佳芯喺舊年年底拍劇期間，曾入院切除卵巢囊腫，休息幾日後，迅即復出宣傳劇集《誇世代》，真係搵命摶。

平時睇落唔似會同人爭嘢嘅Ali，竟然講明唔想令粉絲失望，所以唔會讓賽，仲再提舊年拍劇期間做手術嘅事，唔知係咪向公司表忠重，希望有更好回報呢？

Ali表示以前唔鍾意參加比賽，所以同獎項冇乜緣，不過今年對獎項有新嘅睇法。

佢話舊年啱啱做完手術，連講嘢都冇力，就開工拍《BB來了》，而且要演唔少爆喊、嗌交戲，咁辛苦就緊係想要個獎，獎勵一下自己喎！

黃智雯本來就計劃同富貴男友詹文天結婚，不過劇接劇嘅佢，又點捨得上位嘅機會呢？已延遲婚期嘅Mandy表示，為咗拍劇可以再延遲婚期都得，保證全力效忠公司！仲緊要過老公，咁乖，係咪要獎個視后俾佢呢？


Mandy憑《三個女人一個「因」》成為新加坡同馬來西亞視后，連掃兩獎嘅佢對香港視后嘅寶座眈眈，表示：「攞埋就更好」，睇嚟有信心大滿貫在望。


Mandy又強調拍攝《三個女人一個「因」》，要演三重性格角色係非常辛苦，壓力大到精神恍惚，為咗呢個演員夢寐以求嘅好角色，真係搏到盡。

網民撐邊個？睇正負皮數字，鬥得難分難解喎！

不過大部分留言都大讚Mandy嘅演技。


網民覺得Mandy嘅演技超晒班。


都有人鍾意Ali多啲。


資料來源：李佳芯IG、黃智雯IG、東方新地、連登、網上圖片
順便睇埋：
女星喊一喊頒獎禮就有獎拎！巴打：我都識喊啦！大L晒？臨近《萬千星輝頒獎典禮2018》，大家都非常關心視帝視后會由邊個奪得！為咗拎獎，大家都落足力拉票宣傳！有眼利嘅網民就發現每次臨頒獎時，都會有人走出嚟打苦情牌，搏同情！
視帝視后花落誰家一直都係網民所關心嘅話題，對一眾藝人嚟講同樣咁重要！藝人辛辛苦苦工作為的就是得到大家的欣賞和贊同，一年一度嘅頒獎禮正正反映到佢哋嘅努力俾大家見到！

不過，有巴打就發現每次就到頒獎禮，啲女星就會多咗好多慘情故事。早唔報遲唔報，時間就是這麼的剛好！就好似上年視后唐詩詠同洪永城分手嘅報導就喺頒獎禮前熱炒。

而今年視后大熱人選之一嘅煒哥，接受訪問時提到自己離婚嘅經歷。巴打對佢咁行為表示不滿，大鬧佢博同情，本來對佢冇咩嘢，宜家反而覺得好反感咁話！


其實煒哥有實力就係人都知架啦，巴打就覺得佢唔需要用呢啲方法去宣傳！
好似上年視后唐詩詠都有俾人話用喊嚟換獎，當時最引人爭議嘅係佢明明係女配角嘅戲份，但就可以擊敗萱萱拎到最佳女主角。





大台的確有好多人捱咗好耐都同攞獎無緣，但如果就咁就俾獎嘅話，咁馬明BB呢！


呢啲行為搞到大家都覺得視后好似好易拎，喊一喊就有份，完全無晒公信力！


膠通消息來源：香港討論區、東方新地、網上圖片

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁