【有片】追巴士連數都有得計？　呢條公式你真係要識！ | 真心膠 | 膠Hub

相信每一個人都有追巴士嘅經歷，無論係雨天定晴天，返工定返學，成日會出現追巴士嘅情況。雖然依家有啲app可以顯示架車幾時到站，但都唔知自己趕唔趕得切。依家就等我嚟介紹一條追巴士公式俾大家！以後追巴士就可以知道自己追唔追得切啦~閱讀全文
追巴士可能係人生中必經嘅階段，有時處於想追又唔知追唔追得切嘅狀態，都幾老尷。當自己追到車站，點知架車啱啱走，其他人望住你嗰陣，真係想搵窿捐。話說最近有一條片，就教大家點樣利用數學公式嚟計算出呢架巴士追唔追得過。

片入面有兩位學生哥（彼得&小亭）就見到自己要搭嘅巴士，但唔知自己趕唔趕得切，就突然諗起老師教佢嘅「速度與距離」嘅公式，即係話：距離÷時間=速率！（同學，你真係活學活用！）



想知道自己日後追唔追到巴士，就要認真啲聽啦！首先，我地要知道「自己與巴士站嘅距離」同「巴士同巴士站嘅距離」。

假設彼得&小亭同巴士站距離10米，而巴士同巴士站相距100米。咁我哋就以彼得嘅跑速作計算（因為佢腳短），時速9km。而巴士一向都係唔埋站就唔減速為原則，所以均速以時速45km。


咁計計埋埋之後，佢地嘅跑速會係2.5m/s 同車速12.5m/s。（唔好問我點計，問數學老師~）好啦，有晒數據後，我地就可以進入戲肉啦！將數據代入「追巴士公式」度，即係話：距離÷速率=時間！咁我地就可以知道自己追唔追得切啦！
以彼得同小亭個例子嚟睇，巴士就要8秒先到巴士站，而佢哋就只需要4秒，仲有4秒剩，可以抖下氣~咁佢地係咪一定追到巴士呢？
結局往往係殘酷嘅…….所以，大家下次追巴士之前，不妨用下「追巴士公式」，睇下你計完後，司機會唔會飛站？架巴士走左未~
唔講咁多，去片！

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁