江若琳原來係小三？　蕭潤邦舊愛post舊照踢爆

江若琳（Elanne）同未婚夫蕭潤邦（Oscar）真係好sweet，之前喺TVB節目《1+1的深情》，Oscar仲俾咗Elanne一個浪漫驚喜嘅求婚，今年12月23日就會拉埋天窗。唔知係咪就嚟到結婚，啲前女友就開始出嚟搞事。Cap嚟見我
唔知係咪就嚟好事近嘅準生煎包夫婦，啲ex就唔抵得佢哋開心出嚟搞事。Oscar舊愛Charmaine喺社交平台狂post之前同Oscar嘅合照，仲留言話：「虛偽的真誠最可怕」。




舊愛Charmaine之前同Oscar拍咗拖4年幾，有傳佢哋因婚前去完旅行後鬧交，搞到婚事告吹仲分埋手。Charmaine狂貼昔日合照，似乎暗指當時分手係有人乘虛而入。




Oscar就喺Facebook澄清同Charmaine分手大半年先同Elanne拍拖，強調Elanne唔係第三者，仲話：「我計計數，如果同前女分手大半年再拍拖，而現在女友咁都算係小3的話，一個普通人都可能拍過好幾次拖，咁咪要計埋我前前女友、前前前女友…我現女友已經唔係小3咁少了。大家都已經有新嘅生活，至於我嘅現在、將來，我一定會好好保護江若琳，多謝大家關心！」




Oscar幾年前放棄藝人工作轉型上海生煎包，佢為食店親力親為，捱足五年終於成為生煎包專門店老闆，生意經營得有聲有色並將同女友江若琳拉埋天窗。咁到底咩事令到蕭潤邦咁勞氣，搞到要喺Facebook爆seed？就係有唔同機構見到佢咁成功，都話要頒個獎俾佢。不過呢啲機構設立嘅獎項，唔係你成功就有得拎，而係要用真金白銀買架。


所以蕭潤邦喺Facebook就有感而發，佢叫啲要比錢買獎項嘅機構唔好再揾佢。佢話唔想俾錢買奬自high，啲錢留返嚟買靚料俾客人食好過，仲叫啲要買獎嘅機構唔好侮辱飲食業同香港牌品。
好多網民都好支持佢，甚至連袁彌明同孫耀威都身同感受。


真係好難得蕭潤邦可以咁有骨氣，難怪可以迷倒女神江若琳。
Cap by:巴士的報

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁