胸猛華姐冠軍陷五角戀 TVB奀星為佢狠撇女友？巴打：識食呀！佢副計咁L正

呢位胸猛華姐長腿大波，啱啱甩拖冇耐，不過就有人爆料話佢拍拖其間約某個TVB奀星出街曖曖昧昧咁，之後仲搞到佢同女朋友分手？
閱讀全文
17年華姐冠軍余思霆同天堂鳥成員Tyrese拍咗3年幾拖，點知今年6月突然就分手，之前盛傳係因為Mag林欣彤介入，仲俾人影到2個人打邊爐！

不過早前有人爆料話早喺余思霆同Tyrese拍緊拖個陣，就有同TVB奀星朱敏瀚一齊出街，兩個人隻手仔「掂吓掂吓」咁。原來兩個人係因為拍大台劇《好日子》而行得好埋，仲懷疑戲假就情真…
而26歲嘅朱敏瀚本身就有個女朋友，但係原來都喺年頭散咗，問到同余思霆有冇可能發展，都冇否認話兩個人有傾有講，不過有傳佢哋兩人同居，朱敏瀚就否認啦！

膠通消息來源：蘋果日報
其他膠文：TVB八大新生代女星　邊個最有機會發圍？TVB近年被指出現「藝員荒」，大家每晚開電視睇劇，睇嚟睇去都係得嗰幾個藝人，似有青黃不接之勢。不過大家都唔駛擔心TVB冇晒演員，因為有唔少90後新生代女星陸續等住發圍！依家就同大家一齊睇睇有邊四位TVB女星準備好突圍而出，喺未來星途中發光發亮啦！
1. 余思霆余思霆於1994年出生，今年只係23歲，於2017年《國際中華小姐競選》奪得冠軍後，立即加入TVB做埋親生女。余思霆有住健康膚色同豐滿身材，加上燦爛嘅笑容，輕易令人留下深刻印象！雖然有唔少網民話佢個鼻……


余思霆雖然訓練班都未讀，不過立即得到機會喺劇集《好日子》演出。但因為佢廣東話未算純正，TVB特意安排一個喺台灣讀書嘅角色俾思霆，睇得出TVB對佢寵愛有加！



2. 蘇韻姿蘇韻姿今年24歲，參選《2016年度香港小姐競選》奪得第四名後，隨即加入TVB同接拍第一套劇集《愛·回家之開心速遞》，比起同屆港姐三甲更快有演出機會。蘇韻姿喺《愛》中憑「紅衫魚」一角成功入屋，同阮政峰成為頗受觀眾歡迎嘅情侶檔！


雖然蘇韻姿暫時未有新劇推出，不過以佢喺處境劇角色嘅入屋程度，絕對係不容忽視嘅新星之一，相信前途一片光明！


3. 伍樂怡伍樂怡今年25歲，笑容自然甜美，更有人覺得Kelly同那些年「姑姑」李若彤有幾分相似，仙氣程度可想而知！可惜佢喺舊年港姐競選三甲不入。


伍樂怡落選港姐後加入TVB成為親生女，早前有份主持《3日2夜》，之後仲會參演《再創世紀》同《堅離地愛堅離地》等劇集，算係比其他同屆港姐更快跑出。




4. 鄺潔楹現時25歲，喺美國讀完書回港後先加入模特兒公司，然後再加入TVB ，成為娛樂新聞台主播，因一次機緣巧合下拍攝《3日2夜》繼而受網民關注同追捧。



鄺潔楹被封為「仙氣女神」，依家佢時不時會喺《愛·回家之開心速遞》曝光，而且已正式加入《學是學非》，做得「是非精」照道理應該都大把前途。



 

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁