黎瑞恩暗寸學生買觀星筆射眼 網民：衝出嚟x！

浸大學生會會長方仲賢昨晚在深水埗鴨寮街購買10支觀星筆，遭便衣警員截查並指他藏有「鐳射槍」，並以「涉嫌藏有攻擊性武器」罪名拘捕。藝人黎瑞恩今日在她的私人facebook說：「為確證雷射筆之安全可靠，試吓射完佢雙眼，通過安全標準嘅話，要求警方要立即放人兼道歉！」留言引來極大迴響。
撰文：東方新地 圖片：黎瑞恩IG
Cap嚟見我
黎瑞恩暗寸學生買觀星筆射眼黎瑞恩今日在她的私人facebook說：「為確證雷射筆之安全可靠，試吓射完佢雙眼，通過安全標準嘅話，要求警方要立即放人兼道歉！」

黎瑞恩和朋友激烈討論小恩子出帖後，引來不少朋友為此事留言及作出激烈討論，有朋友話佢盲撐，但小恩子否認，話如果真係唔傷眼佢係要求警方道歉。另外又有朋友話：「雷射筆有好多級數，在鴨寮街賣得都是合法，如唔賣得早就拉左喇！」小恩子立即回應：「翻版碟合唔合法呀！鴨寮街都有得賣喎！」

 
 
又有朋友表示這時候不應再亂講兼製造恐慌，還指有很多老師講課都有用雷射筆做指示，小恩子回應：「老師講課用雷射筆係射黑板喎！唔係射眼㗎喎！」朋友再留言：「咁你又肯定那個學生買嚟射人眼睛，可能佢真係去觀星呢？唔好未審先判，就正如藝人嘅是是非非一樣，要冷靜思考，細心分析。」小恩子隨即說：「我真係才疏學淺，450nm波長雷射筆可以用來照幾光年以外的星星？地球幾時發展到同星星距離得幾百米，觀星係用追星儀同天文望遠鏡是常識吧！係咪真係當全香港人係白癡！」

 
帖子一出即被截圖及在網上瘋傳，有人留言表示：「又一個過氣偽人 #黎瑞恩，盲撐差佬濫權濫捕，睇下會唔會步倫伯後塵先 #扑爛CD啦 #歡迎廣傳」

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁