【有片】陳浩民老婆同金髮女爭位座　拍片公審：「咁樣嘅香港人好犀利！」

:0:0

陳浩民與太太蔣麗莎育有一子三女，一家六口樂也融融。日前，蔣麗莎帶住小朋友去溜冰場玩，點知發生咗一件讓座事件，而蔣麗莎更將當中過程拍下一段短片，放上個人社交網，以求公審事件！
Cap嚟見我
陳浩民太太惡鬥霸位金髮女近年，讓座問題成為各地熱門討論話題，但今次事件並非發生喺公共交通工具上！日前，陳浩民太太帶住小朋友去溜冰場玩，點知遇上一位金髮女士，雙方更發生讓座問題嘅口角，而蔣麗莎更將當中過程拍下一段短片，放上個人社交網，以求公審事件！

據蔣麗莎喺個人社交網留言，指：「超級誇張，霸用公共座椅（小朋友換鞋子的椅子）因為女兒摔跤扭了腳，需要換滑冰鞋，所以找到了一個最近的地方換鞋」

蔣麗莎將鏡頭轉向摔跤扭親腳嘅囡囡。蔣麗莎繼指：「想不到被背後的女人一把推開，說我不應該坐這裏，因為她的書包裡面有超級貴重的電腦，我幾乎是半靠在椅子上，因為位置少到可僯！手裏還抱着孩子…居然一直罵罵咧咧，仗勢欺人，太離譜了。」

由於蔣麗莎不斷指桑話槐，片中金髮女子亦按捺不住曾揚言：「小姐，你搞清楚，我冇話唔俾你坐，你坐落嚟講聲我咪讓囉，頭先有人坐落嚟我都讓佢㗎！」

但即使二人經過一番爭論後，片中女子曾擰轉身意圖拒絕與蔣麗莎再度對罵，但到片段完結亦未有主動拎開聲稱內放貴重電腦嘅迷彩背囊。

蔣麗莎則指：「真係好離譜，俾人坐嘅位，自己擺個袋！呢度係俾人change shoes嘅，佢完全坐喺度郁都唔郁，咁樣嘅香港人，好犀利，完全冇公德心。」

而喺蔣麗莎上載嘅另一段短片中，該名金髮女子依然將背囊放於俾入場人士換鞋嘅坐位上，期間只曾用手輕輕移開其背囊，唔知咁係咪金髮女子所稱嘅拎開背囊呢？但即使見到小朋友坐低，都好似只係個pat pat挨住張凳，多過似坐喺張凳。

睇片
陳浩民老婆公審金髮女
陳浩民老婆公審金髮女
Posted by O咀新聞台 on Thursday, 30 August 2018

陳浩民大女 6歲半讀三年班陳浩民太太蔣麗莎前日在微博上載大女陳雅薷的幼稚園畢業照及背影相，並感觸地寫道：「看着你遠去的背影，有一種即將送你出國留學的不捨。恭喜你9月即將步入小學三年級，人生本來就是一段學習的歷程，希望你勇往直前，不畏風雨活出絢麗的人生。」

陳浩民大女陳雅薷真係咁勁？不過有心水清網民留言問點解幼稚園畢業照之後｜唔係升讀小一而係小三，蔣麗莎就回應網民話囡囡係跳咗兩級，而且佢更正網民話大女唔係7歲，正確嚟講係6歲半(今年11月才7歲)，好犀利咁喎⋯

陳浩民否認話老婆擺烏龍⋯不過，事後陳浩民澄清囡囡冇跳班，話只係一場誤會：「老婆搞錯，純粹誤會，個女冇跳班，太太唔清楚香港學制以為佢跳班啫！」因為雅薷就讀國際學校，採用英國學制，跟香港學制有所不同，看來Lisa是把兩個學制混淆而產生今次誤會。

去年成績優異阿媽讚囡囡係「學霸」不過咁，大女「跳級」大家誤信以為真，又真係唔出奇嘅，事關佢個女嘅學業成績一直以來好好，好似上年咁蔣麗莎就喺微博上載大女成績表，見佢科科都剔咗星星嗰欄，代表「表現優異」，做阿媽嘅梗係要開心share啦！佢仲留言話屋企有個「學霸」：「想不到陳家出了一個『學霸』為你感到驕傲～戒驕戒傲，繼續保持！」

陳浩民大女陳雅薷很有大姐姐嘅風範，很會照顧弟妹，平日都會帶細佬陳璟逸齊齊返學。

雅薷大女一轉眼咁大個，真係亭亭玉立！

大女做小助手陪媽媽出埠拍戲大女雅薷年紀小小，但乖巧懂事又幫得手，今年6月蔣麗莎返內地長沙拍戲，就帶雅薷跟身充當小助手，大女幫媽咪手推行李拎嘢無扭計，蔣麗莎都忍唔住大讚佢！

蔣麗莎教子有方其實陳浩民經常留國內拍戲，湊仔女嘅重任當然交畀太太啦！睇番蔣麗莎嘅微博，都見佢平日親力親為湊仔女，甚少旨意工人姐姐，加上見佢經常一拖四帶小朋友周圍去都絕對冇難度，就知佢管教小朋友有一手！

陳浩民夫婦仲話想追多一個小朋友⋯

陳浩民雖然忙，但一返港會陪子女親子活動！

陳浩民月租10萬天池屋陳浩民與太太Lisa蔣麗莎五年抱四，早年已在國內崛起的浩民愈生愈旺，愈旺愈生，去年中全家由紅磡過千呎複式單位，進駐月租10萬的何文田半山壹號的天台特色泳池屋，事關間屋絕對可以滿足全家嘅需要。因為一來方便仔女在九龍塘返學，更重要的是四個子女都熱愛游水，近日天氣開始炎熱，Lisa就同仔女上天台游水，仲拍片影相放上社交平台開心share⋯⋯

近日天氣開始炎熱，陳浩民老婆Lisa就同仔女又再出動，齊齊上天台游水，仲拍片影相放上社交平台開心share⋯⋯

陳浩民成日留在大陸拍戲開工，但太太同四個仔女都不愁寂寞，因為留喺屋企都大把娛樂，近日佢哋就上天台做至愛嘅活動 — 游水！

無敵天池屋屋內的實用面積有千六呎左右，未計天台及泳池，坐落山上居高臨下私隱度非常高，10萬月租對今時今日的陳浩民來說濕濕碎，仔女老婆住得舒適最緊要。

蔣麗莎：全家都鍾意游水Lisa話搬呢個單位係有原因：「我哋依家住嘅係樓頂特色單位，有自家泳池，原因係我哋全家都比較喜歡游泳，我大肚8個月時，每週都游3次。再加上依家小朋友主要讀書範圍喺九龍塘，為咗佢哋每日有多啲時間睡覺，所以特意安排離學校近啲嘅地方住。」

天台景靚到咁，Lisa不時當布景板係咁影靚相！老公辛苦搵錢養家，老婆負責照顧小朋友睇住頭家，Lisa連生四胎身材仍然弗到漏，搬大屋後隨時開工等生第五胎。

單位享開揚景致仲可以BBQ除咗游水，仲夠位喺游泳側邊燒烤，真係足不出戶都冇問題！

陳浩民在國內開工的日子，Lisa全副精神照顧孩子，有空又會同子女夜晚上天台BBQ，甚至坐喺池邊食住甜品睇夜景，好溫馨！

睇完天台，唔少得睇埋室內，單位分上下兩層。下層客廳同飯廳好闊落，用落地玻璃窗，樓底又高。客廳的櫃放滿許多家庭照，好溫馨！

陳浩民屋企咁闊落，小朋友足不出戶在家玩都唔覺悶，蔣麗莎經常畀啲勞作四個子女一齊玩，好益智！養一家六口（未計照顧小朋友的外傭姐姐），少個崩都唔得，陳浩民近年在國內密密做冇停手，Lisa就負責留港照顧小朋友，見她湊仔女絕不假手於人，接送大女與二仔返學放學再加課外活動，還有照顧仍未入學的三女與細女，Lisa這個萬能鐵人媽咪認真唔易做。

客廳夠大，幾個小朋友坐喺地玩具一啲都唔逼！

樓底高又用落地玻璃，夠晒光猛，放巨型聖誕節都唔會有壓迫感！

而下層都有長長的露台，最愛種植的Lisa放滿鮮花及盆栽，小朋友會幫手整植物盆景同淋水！

露台夠寬，具豪宅氣派。

囡囡都會幫手剪雜草及收割果實﹐早前就有自家種植的紅椒！

一屋都係小朋友，為照顧他們平時已勞心勞力，但陳浩民與Lisa甚懂分配時間，也會預留拍拖時間，不會冷落另一半。

陳浩民在國內搵錢速度同印銀紙一樣快，生夠一隊足球隊都冇問題啦！

親自掃家品陳浩民一直在國內忙拍戲拍電影及宣傳，不過佢一有空都會即回港陪Lisa同四個仔女，之前佢就同太太拍拖到九龍灣Mega Box的宜家傢俬掃家品，這日只有夫婦二人，四位小朋友及外傭未有同行。二人買了大量家品，陳浩民自己做埋司機與咕哩，與Lisa合力把家品塞入七人車內，之後再去土瓜灣的平民麵店買外賣，返抵何文田半山一號時，陳浩民把車停下再借用手推車把家品推回家中。雖然住豪宅，但陳浩民夫婦的日常生活仍非常貼地，湊仔與搬屋一樣，全部親力親為。