腰果眼女神簡淑兒　原來係有錢女！

新一代宅男女神簡淑兒又靚又清純，見親佢對腰果眼，大家都會不期然諗番起當年選港姐嘅「真面目」，同依家真係幾大分㗎！不過，唔緊，根據可靠消息指，簡淑兒其實係一個有錢女，家族經營珠寶金飾生意，而佢自己就同家姐住喺九龍站豪宅！有錢又有樣，唔係唔上啊？
出身自組合「少女標本」的簡淑兒，自從喺《愛‧回家之八時入席》中飾演秘書Elsa後備受關注，招牌腰果眼、甜美笑容加上密密短裙露長腿成為觀眾討論焦點。
Cap嚟見我
簡淑兒仲有激罕著泳衣濕身鏡頭～

見到佢依家咁靚，又被封為「仙氣女神」，但係一睇番佢2012年簡淑兒選港姐嘅相，真係好難唔令人亂諗嘢㗎喎！當年嘅簡淑兒，只可以用一個四字詞來形容：「其貌不揚」，細眼、扁鼻兼顴骨又大，難怪頭圈已經被淘汰。
事隔幾年面目全非，愈大愈靚，簡淑兒就曾經解釋係當初官方妝頭出事喎，強調絕冇整容啊！佢補充話用人生最核突的舊照同現時相比，分別當然大，所以點講都冇用。咁又不如睇下佢大學時期嘅樣先啦！

 
簡淑兒強調自己係純天然，選美後就去拍劇，如果有整大家都會留意到。但問題係，依家真係好多人留意你唔同咗樣喎⋯唉，唔緊啦，就算真係有又點，睇下佢背景有幾猛先再算啦！
由美國回流返港的簡淑兒，父母經營珠寶生意，在上水及將軍澳都有專門店，另外喺紅磡一幢工業大廈亦購入兩個單位作寫字樓，生意規模唔算細。簡淑兒亦曾經幫屋企生意做生招牌，擔任代言人兼模特兒，甚至贊助過TVB及亞視藝人鑽石首飾出席活動。
有指簡淑兒同家姐住喺九龍站豪宅凱旋門喎，凱旋門樓價幾多就唔使多講啦！簡淑兒有錢又有樣，加送一對迷人笑眼，三個字，明益你！


膠通消息來源：東方新地、ON.CC

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁