經典節目《掌聲的背後》爆笑訪問　肥姐笑古天樂跳舞好似拜神同抹窗

型男古天樂拍劇，拍電影都掂，唱歌方面，《男朋友》、《今期流行》係經典中嘅經典。到依家，仲有網民狂loop《今期流行》MV，笑古仔跳到好似拜神同抹窗。
最近有網民搵番2002年古天樂同楊千嬅上肥姐節目《掌聲的背後》嘅片，肥姐讚古天樂做戲好嘢，不過唱歌麻麻，跳舞好似拜神咁，問古天樂點睇，搞到食花生嘅千嬅笑唔停！
Cap嚟見我

肥媽話古天樂做戲就好喇，唱歌就一般。
不過跳舞呢，就似拜神！

搞到古天樂自己都忍唔住笑出黎！
不過，全程最開心一定係肥姐同大笑姑婆楊千嬅囉！

肥姐問「對於人地話你跳舞似拜神，自己點睇」
一睇就知古天樂無眼睇啦！楊千嬅就笑古天樂果啲係靈魂舞！

古天樂自己回應表示：實在太開心喇，哈哈！
肥姐再問「其實你有冇跟阿老師去學吓㗎」。古天樂即講「係老師教我㗎」。

肥姐隨即取笑「咁個老師真係發瘟喇，教你咁嘅舞步」搞到古天樂同楊千嬅當場爆笑。
不過出名好人的古天樂，即時表示「係我跳得唔好，唔關人地事」。點知，楊千嬅就抽水話「係你發瘟啊！哈哈哈」

古天樂即接「我，我不嬲都發瘟㗎。哈哈」。
成段片由頭比人笑到尾，真係古天樂大咁方先唔嬲咋！

【經典重溫】肥姐節目《掌聲的背後》
Posted by 大娛樂家 on Wednesday, 1 August 2018

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁