TVB賀年歌遭網民插冇粒音唱啱 李家鼎:專登㗎！

下星期就係農曆新年，賀年歌就緊係唔少得啦！早前，TVB就搵嚟李家鼎、譚玉瑛、森美、麥美恩、吳若希、杜如風、丁子朗合唱咗一首賀年歌《熱熱鬧鬧過新年》，點知就被網民狠批！
撰文：東方新地｜圖片：MV截圖
Cap嚟見我
TVB賀年歌遭網民插話說，TVB今年為賀年歌搞搞新意思，搵嚟近期hit爆嘅李家鼎同譚玉瑛，以及森美、麥美恩、吳若希、杜如風、丁子朗合唱一首好有新年氣氛嘅賀年歌《熱熱鬧鬧過新年》，點知首歌一出，就被網民喻為今年農曆新年嘅「神曲」！
首歌嘅歌詞就正路係同新春有關，之但係聽落就覺得好唔順耳，皆因唔少網民都話首歌唱得冇粒音準，惹嚟唔少劣評！當然有網友就好識貨，唔單止話新年要不斷狂loop，有網民話「聽完後覺得技安都唔太差」，認真搞笑！
 李家鼎抵死回覆首歌好唔好聽就見人見智，而主唱嘅鼎爺就話：「係專登㗎，搞氣氛之嘛！」，又啱喎！新年都係想齊齊開心一下，唱得好唔好聽就其次啦！
一齊聽下！

延伸閱讀：李家鼎 吸金力強李家鼎早年入行做龍虎武師，揸住武器打打殺殺大半生，16年拍無綫的《阿爺廚房》，大師傅終於使出真功夫，廚藝了得的他大受歡迎，之後出書、投資私房菜、拍廣告，所有賺錢的機會接踵而來，鼎爺事事親力親為，忙到喘不過氣來，瘋狂吸金的背後代價就是冇時間陪家人。
鼎爺與女友近來拍拖愈見高調，日前孖住出席公開活動，鼎爺還即場力sell其私房菜出品的賀年糕點。
做完節目鼎爺即爆紅，廣告代言、贊助商源源不絕，鼎爺接job接到手軟。無綫亦食過翻尋味，決定今年5月再拍攝新一輯《阿爺廚房》，菜式同樣由鼎爺發辦，屆時鼎爺又再忙到不得了。訂枱排期到5月據知情者透露:「鼎爺突然爆紅，呢一年佢幾乎日日都係工作，收入幾級跳，依家佢間私房菜一圍最低消費都兩萬幾蚊，唔係個個食得起，不過晚晚都爆場，再加上佢接咗好多廣告代言同商業活動，分分鐘半年都賺過千萬。」
私房菜深受明星名人歡迎，早前「至八會」飯敍及陳志雲帶友人來撐場，鼎爺都熱情招待。
續指：「鼎爺同依家個女友都一齊好多年喇，雖然冇再簽紙結婚，但佢對外都叫女友做李師奶，喺佢人生低潮時，女友鼓勵佢重新振作，又教佢理財，兩家嘅仔女都好接受呢段關係。依家鼎爺紅咗，佢覺得係時候報答女友，所以計劃買層樓畀女友揸手，一齊住當養老屋囉!聽聞已經睇緊樓，有啱心水就會扑槌。」
鼎爺主理家傳粵式手工菜，刀章廚藝皆一流，功架懾人。去年鼎爺私房菜開張，泳漢與泳豪都有撐老竇，而鼎爺女友更帶埋女兒及孫女，兩家人關係明顯很好。鼎爺與施明雖已離婚，但二人仍保持良好關係，早前大孖李泳漢兒子百日宴，一家開心合照。跟得女友陪開工鼎爺鐵漢柔情，為了搵錢又唔想忽略女友，不時帶埋女友返將軍澳電視城開工。日前鼎爺開工後與女 友在電視城西餐廳撐枱腳，有傾有講食完又甚有默契各自玩電話，一副老夫老妻模樣。
鼎爺忙搞私房菜，又要為無綫拍節目，還有不少event要出，人氣升工作多。為爭取時間見面，鼎爺與他口中的「李師奶」女友，日前在將軍澳電視城西餐廳撐枱腳，二人有講有笑食得好開心。未幾兒子李泳豪出現，原來兩老歎住Tea等埋豪仔，一行三人笑住去停車場攞車返屋企。
食飽飽又傾完偈，鼎爺與女友各自玩手機， 非常有默契。等咗咁耐，原來係等乖仔李泳豪收工前來會合，鼎爺女友見到豪仔笑晒口，關係好好喎！老竇鼎爺變大紅人，李泳豪除了拍劇、操拳、賽車之餘，原來還要充當鼎爺助手，幫手揸車管接送及睇頭睇尾。有女友幫手理財，又有乖仔泳豪做助手，鼎爺就可以放心去大展鴻圖，向廚神之路繼續邁進。
鼎爺近月工作辛苦，泳豪話唔想老竇太勞累，所以有時間都盡力幫輕，除了充當助手，這日就做司機送兩老返家。

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁