《美女廚房》繼續大玩性暗示 麥明詩：你條嘢好大抽！
岩岩嗰集嘅《美女廚房》，就請咗馮盈盈、麥明詩同吳若希作為嘉賓，大show廚藝。其中兩位港姐雖然煮到雞手鴨腳咁，但都唔及吳若希嘅廚藝，令到一班評判食到乸埋口面，個個都俾她負分，真係地獄廚神！
Cap嚟見我
雖然吳若希已為人妻，但佢嘅廚藝真係令人敬畏！事關係第一個環節「指定菜色」，都已經令一班評判想離場，煮嘅雞同生蠔又生又臭，幾乎個個都俾她負分，佢仲話自己有煮開野俾屋企人食，食到老公肥肥白白！（真係有啲為佢屋企人而擔心⋯⋯）
而馮盈盈煮野煮到雞手鴨腳咁，人蔘唔洗乾淨之除，仲用雞扒包住蘿蔔，真係想熟都幾難，好彩到最後都有煮熟矖，一班評判都有好評，真係估佢唔到。
而到左「自選菜式」環節，馮盈盈見自己煮得唔差，食住個勢開始發功，用墨汁焗八爪魚，評判唔知係食緊八爪魚定墨汁。而蕭正楠仲話馮盈盈煮嘅八爪魚又韌又鹹，好彩自己個腎頂得住。
估唔到讀書叻嘅麥明詩，廚藝都有一手。原來佢係外國讀書時都有煮開野食。而係「自選菜式」環節，對住八爪魚一啲都唔驚，手起刀落。最後都攞到最高分，比其餘兩位嘉賓嘅廚藝較好。
|
本篇 |
不想錯過? 請追蹤FB專頁! |
 | 喜歡這篇嗎？快分享吧！ |
相關文章
娱樂膠
