鄧麗欣低調承認姊弟戀　王子發文：左右為難！

:0:0

鄧麗欣(Stephy)認愛啦！現年34歲嘅鄧麗欣同拍拖十載嘅方力申都分咗手兩年有多，期間唔少傳聞話復合有望，又傳跟同性密友關係密切，就連鄧麗欣自己亦多次透露自己有追求者，但今次真係公開認愛前台灣男團Lollipop棒棒堂成員邱勝翊（王子）啦！見鄧麗欣笑得咁甜，小編都好為佢開心啊！不過就唔知舊愛小方依家係咩心情呢？
應采兒撮合二人Cap嚟見我
鄧麗欣(Stephy)同王子同屬金牌大風，縱使識咗好耐，不過多年嚟工作上都從未有交雜，咁究竟佢哋係點發展㗎？！原來，係經由應采兒做媒人約飯局，佢哋就認識並開始熟絡，咁就撮合咗呢對情侶啦！雖則呢場姊弟戀就相差咗六年，但Stephy都有信心話依家都2018年，大家接受能力都好高，仲叫大家畀啲空間佢哋咁話。

Stephy出席活動甜笑認愛

原來係應采兒約飯局撮合咗王子同Stephy～鄧麗欣願低調保護戀情其實更早之前，Stephy已經被指喺4月與王子同遊蘇梅島，不過睇嚟當時佢哋都想護苗，所以嗰時就雙雙否認嘅～不過，認愛之後，Stephy就表示，希望低調處理感情事，因為根據佢嘅過往經驗，感情係兩個人嘅事，但因為身為藝人所以就變得好透明，而低調都只係想保護戀情。好啦，但小編都係想恭喜Stephy事業愛情兩得意，因為佢之前獲邀出席《第16屆紐約亞洲電影節》，成為首位獲得「亞洲新秀獎」嘅香港藝人，仲用英文致詞被網民大讚有進步添！低調承認姊弟戀

王子早喺5月2號就喺自己Facebook貼出同Stephy嘅自拍，好Sweet啊～王子左右為難另一邊廂，喺台灣嘅王子都於同日下午喺社交平台貼文，表示自己左右為難，叫大家愛屋及烏，似係間接認愛喎！睇嚟佢就怕自己啲粉絲嬲嬲豬，會連累Stephy被攻擊喇！不過，其實粉絲都係留言祝福居多，王子又唔使太擔心嘅～