80年代仙氣混血女神現身大台　網民：童年崩壞！

呢幾年流行美魔女，唔少80、90年代女星重出江湖，佢哋個個都保養得唔錯，拍埋年輕女藝人一啲都唔輸蝕，近日又有一名喺娛樂圈消失咗25年嘅女星上水了，佢就係柏安妮（Annie Bridgewater）！柏安妮是誰？唔好話90後唔知，連80後都未必識！原來佢係80年代嘅宅男女神嚟！不過佢近日蒲頭並唔係要復出娛樂圈，而係以兒童心理學家同埋電子公司Playto的創辦人嘅身份接受大台嘅財經資訊節目《創科導航》訪問。咁耐冇見，網民嘅第一個反應竟然係……女神崩壞！

Cap嚟見我

柏安妮身為是英國、香港、馬來西亞混血兒，又出身自醫生家庭，曾留學英國，更加係香港花式溜冰冠軍，加埋非凡嘅美貌同仙氣，完全係贏在起跑線！更屈機嘅係，佢原本被牛津大學取錄，為咗加入娛樂圈，竟然放棄呢個好多人恨都唔取恨嘅學位！

佢入行之後拍過唔少電影，包括同黃百鳴合作嘅處女作《開心樂園》，同張國榮合作嘅《為你鍾情》、同梁朝偉合作嘅《風塵三俠》，仲有多套周星馳電影，星途都叫璀璨，不過喺1993年拍完《記得香蕉成熟時》就息影重返校園，後來喺香港大學物學系、香港理工大學職業治療學系，之後同港大同學結咗婚，育有兩個女兒，而家任職兒童啟育中心職業治療師，今次再現江湖，都係以專業人士身份出鏡，昔日仙氣不再，仲殘咗好多好多，網民都感嘆歲月催人。

 

後生時真係好靚好靚好靚！




50歲嚟講真係殘咗啲



Cap by：TVB

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁