懷孕時奶奶仲要當我賓妹咁使老公仲要係孝子

:0:0

今日，公司一位大肚等放產假嘅同事Joyce，做做嚇嘢突然爆喊。大家上前慰問，原來佢上星期日去奶奶屋企食飯，發生咗一件不愉快事件，孕婦情緒波動特別大，佢諗返起就嬲到喊咗出嚟…sponsored 話說，Joyce本身體弱，大肚後成日會頭暈，公司所有粗重功夫已經交由其他同事負責。而當日去到奶奶屋企，奶奶竟然要佢落街買餸煮飯！以前拍拖時期，奶奶因為喜歡熱鬧，每逢節日就會叫埋鄰居一齊嚟打麻將…

Joyce次次去到仲慘過做賓妹，切生果斟茶遞水，差不多天黑就開始煮飯…sponsored 「嘩仲有生果食啊，妳個新抱真係乖～」奶奶就係想聽到鄰居咁樣讚一句，代表自己管教得好。Joyce本來諗住小小事，當孝順老人家都算數。諗住大咗肚應該會輕鬆啲，唔煮飯咪落街食囉，點知奶奶就死都要佢買餸煮飯。同老公落到街市已經喊咁口，但佢老公係一名正宗孝子，「話曬都係我阿媽～咪當氹佢老人家開心囉。」煮完餐飯身水身汗，諗起一陣仲要洗碗已經無曬胃口。奶奶仲問佢：「妳唔食？」「我唔肚餓。」「妳唔食點試到味？」原來奶奶係想話呢樣唔夠味，炒菜落唔夠油，嫌三嫌四。但令到Joyce崩潰嘅，就係老公一句：「哈哈，都係阿媽煮嘢叻！」

sponsored 畀奶奶吩咐做賓妹都算數，連陪自己下半世嘅老公都唔諒解，仲要踩多一腳。嗰一刻，佢忍唔住喊咗出嚟，好大力咁拍檯鬧佢老公：「你咁鍾意！咪娶你老母做老婆囉！搵埋佢生仔吖笨！」聽到呢度，女同事當堂拍曬手掌，幾個男同事包括我都面無表情…因為我哋都好驚，同樣情況發生喺自己身上，正如黎明話，「左手又係肉手背又係肉」唔想老婆大肚都發脾氣，有時又控制唔到自己老母落命令…老婆同老母跌落海救邊個先？永遠都係世紀難題。其實撇除前輩後輩，互相尊重，當自己多個女，會唔會就此世界和平？