戴夢夢做第三者勾人老公, 仲當街剝裙

:0:0

唔係最近傳佢勾人老公上埋C1, 都差D唔記得有呢個人
我諗呢期係佢人生最風光一刻囉, 咁多狗仔跟佢影佢
今日仲爆, 原來一早已有狗仔跟呢對姦夫淫婦....上個月28號, 即仲未上爆出Ricky太放風時, 東方已拍到佢地撐檯腳....輯相睇完要洗眼呀
當晚8點，二人到大坑的日本餐廳撐檯腳，但食到一半，已急不及待走出餐廳解放調情。食餐飯既時間都等唔切, 戴夢夢真係cheap爆....
開頭兩個一齊步出餐廳，夢夢施展一招趷籮露底誘惑Ricky。

熱辣纏綿半小時，夢夢和Ricky中場休息，終肯折返餐廳繼續醫肚。一個多小時後，夢夢離開餐廳時卻面如鑊撈，Ricky頻作安撫，施以熊抱及啜吻企圖撲火，似乎是因Ricky的離婚手續未搞妥而起。夢夢多次手指指怒目而視，狂篤男友心口，更一度推開對方，拉手扯腳。孭著女友手袋的Ricky，無奈的伏在車頂，任由對方發洩。見男友如死狗，夢夢更是怒火中燒，立刻搶過手袋高聲大叫：「妖！」隨即突然一手扯低短裙，Ricky大喝一聲：「做咩呀你？」並扯高其裙頭，但夢夢激動得再次剝裙，嚇得Ricky立刻攬著她。火遮眼的夢夢隨即推開，原地跳了兩下，狠狠的再把短裙向下一扯，今次更將裙頭剝至大腿，內褲畢現，Ricky再埋身拉高女友的裙頭，但遇反抗！夢夢激動得四度扯裙，Ricky為免情況失控，即把夢夢推上車，並在車身旁作勢又跪又氹，擾攘接近15分鐘才離開現場。

Ricky同夢夢返入餐廳食咗半個鐘又出嚟再咀過，真係癡纏都爆。

夢夢剝裙露底逐格睇。
Ricky起初將座駕駛往其干德道寓所樓下，二人於車廂纏綿半小時後，駛往車程不到十分鐘的賓館。夢夢拖著Ricky入酒店，怎料出現「爆房」——客房爆滿情況，冇房出租，夢夢冇癮地拖著Ricky離開，期間情不自禁再攬啜，之後開車往附近酒店狂兜一輪後，最後直駛到油站，Ricky衝入便利店買水即灌降溫。之後，座駕折返Ricky寓所樓下，二人遲遲未有下車，逗留車廂約半小時後才見夢夢步出，她主動又攬又抱，一副「留住我吧」的模樣送別男友，再獨自駕車返九龍灣寓所。

擺平咗夢夢之後，一車去咗賓館，點知「客滿」，人生最悲哀莫過於此。
呢單個結局最後笑死我, 連個天都睇唔過眼呀
點解一個女人可以賤成咁.....係咪想又黎一單佛光街事件呀
回返帶姦夫淫婦曝光經過 :之前同太極鼓手朱翰博（Ricky）高調去置地high tea偷食斷正, 仲要兩個人扮曬受害者咁
太極鼓佬Ricky(朱翰博)同戴夢夢前日十指緊扣現身置地嘆茶，戀情迅即被揭破。兩人昨日分別接受電話訪問時，均承認戀情，其中男方更指已經同太太分居。

不過，Ricky太太今日接受《蘋果》訪問，就直指Ricky講大話，表明「我不是他的前妻，我還是他老婆。」
Ricky太太表示兩人結婚多年，一定會有嗌交，但今年五月一日，Ricky生日，仍舉家到泰國旅行期間，感情好好。「嗰時都冇事，有時當然有啲拗撬。夢夢出現之後佢先至話分居囉。」再問Ricky太太，分居之前可曾追問Ricky與夢夢之關係？Ricky太太引述老公當時嘅回應:「佢話當去叫x囉。(既然咁樣，
點解又堅持要離婚？)係囉，我唔明。」

Ricky太太向《蘋果》報料聲稱，曾兩度撞破丈夫同戴夢夢約會，其中一次Ricky妻掌摑夢夢夢，但對方避過。

Ricky接受本報電話訪問時，被問及此事，佢話：「冇！唔好玩啦，真係好恐怖。嗰日約咗夢夢傾嘢，因為佢係大名娛樂，我哋好多合作關係，接觸多對佢有好感，真係公事開始先，冇乜唔正常，嗰時已經分居。」
27年婚姻弄致如斯田地，Ricky無奈地謂：「佢(指太太)啲行為我直情『R』頭。坦白講佢唔係娛樂圈人，令佢承受壓力我都唔想，但佢唔可以侮蔑我講大話，識咗20幾年，咁樣搞你。」