高登絲打自爆：我由15歲開始做小三，做到宜家35歲

:0:0

我今年32歲，我係一個小三！已經做咗十幾年，我係我15歲嘅時候認識佢，
我仲記得自己第一眼見到佢的時候，唔知點解會自己同自己講，佢不會係我既，

可能係第六感！佢係我鍾意嗰種眼大加高大嘅靚仔，嗰時佢29歲，不過個樣生得好小個，

到而家46歲，D人都以為佢30齣頭。反正就是衰係靚仔手上啦！嗰時好細個，好傻！
自己覺得佢身邊應該冇人，因為佢成日一個人，頭髮又亂，著衫又難睇！
所以我應為佢一定冇女人，有女人先吾會咁樣！我地開始有約會嘅時候大約係我16、7嘅時侯，

我未成年之前，其實父母管得好嚴，佢地成日好怕，我好快嫁人，吾能夠幫屋企搵錢！（我12歲已經冇讀書，出咗來幫屋企手）
所以，所有約會都偷偷摸摸，我都覺得冇野，因為我要暪住屋企人，我有幾次因為去見佢比我父母打，

我媽仲鬧得我好難聽，但我仲成日用盡辦法去見佢，我得好少時間可以見佢，打電話都要偷偷地，
不過我當時好開心，因為有人對我好，他每次找我都係見一陣，或者買D野食比我。講兩句，摸兩下！

我當時都未知佢有老婆，原來仲係嗰時生咗個BB，之後有認識佢的人同我講，話佢有老婆，我吾信，
但又吾敢問！怕會失去佢，我都忘記咗我最後到底點知呢件事，但我都選擇同佢一齊，佢比我嘅解釋都係嗰D！

同老婆吾夾，話當初並唔係因為鍾意而結婚，係父母摧婚所以隨便結，鍾意嘅係我！嗰時細咩都吾識，
人地講咩就信咩！好蠢！之後一直有來往，到我18歲嘅時候，我冇再幫屋企手，出咗去找工做，我父母冇咁管到我，

我同佢就多咗時間一齊，佢會接送我返工，帶我食飯！我仲將我第一次比咗佢，(係呀，18歲先呀！
雖然佢外面有我呢個女人，但其實佢好細膽，之前一直都吾敢，因為未成年，只夠膽摸下！）
佢一直對我吾錯，之前閒時會比D錢我用，因為幫屋企手冇錢！我出來工作之後會買禮物比我，

有時都會比錢！之後到2005年為咗方便佢買咗層樓，之前我地有租屋，但都冇搬入去住，只係需要時先上去，

咁買咗樓後，我就搬咗入去住到而家，其實連我朋友都吾信，佢每晚都會係我呢度訓，
之前佢一直都同佢老婆分開住，以工作方便為由，但吾關我事呀，佢地本身相處好有問題，
孩子未出世時已分開住，佢講！但是佢真係每日都同我一齊，收工就搵我，一齊返屋企，
我到而家都好奇怪，佢老婆點可以無動於中，雖然佢地成日都鬧架！但都係為工作，

(佢地同一地方工作，開鋪頭，一主外，一主內）佢老婆應該知道佢外面有女人，但從來無搵過我，
我唔係話好想她搵我，只係如果她來搵我，我可能已經放棄咗，吾會仲一齊緊！主要係因為個男人除返工時間外，
所有嘅時間都比哂我，我先會同佢一齊到而家！如果係好耐先見一次，見面剩係做，以我性格，走咗9世！！
中間我有試過接受其他人，只有一次，打算試一下，但其實個心都係佢度，咩都冇發生過，又返去佢身邊，
不過呢件事比佢認淸我係佢心目中嘅地位，佢對我好咗好多，佢知道自己真係愛我，但都係冇承諾我！！

到而家我32歲，十幾年！佢老婆冇搵過我，(作為一個女人，我真係吾知她在想什麼）我地又住埋一齊成十年，
我想有名份，佢話要等佢退休，鋪頭吾做啦！吾再需要佢老婆啦，可能會有機會同她離婚，我話你都幾衰格，
吾鍾意就早D放人走，拖到最後為咩呢？(佢地有幾次差D離得成，但最後都冇離，吾關我事架！
係佢地不嬲性格不合，成日鬧架！佢地係互相討厭嘅關係，吾明當初點解會結婚！）
其實我知道大部分原因有佢媽，有佢D仔，還有鋪頭，(雖然係咁樣，但其實佢係一個好有責任感嘅人！）
有2個仔，一個已經讀大學，一個高中，話吾想影響佢地！其實我打咁大篇野為咩呢！我都吾知！