講到慳　我認第二無人敢認第一！

:0:0

sponsored 每逢月頭出糧日，我老友阿強就Tony Stark上身，簡直腰纏萬貫，覺得人工永遠洗來洗去都是「面果浸」。過了一星期阿強再去櫃員機噤錢，戶口結餘$68.9，即時阿姐上身「嚇到我個心離一離！」阿強於是cheap精上身問我撲水：「你可唔可以過40蚊去我戶口，等我噤埋個100蚊？」見阿強月月清袋，我忍不住話佢兩句：「好心你儲嚇錢！」阿強：「得個萬幾蚊邊夠洗，仲話儲錢...」其實，邊個話1萬人工就儲唔到錢？學「上車達人」大劉仔個仔話齋，去少啲日本、睇少啲戲，只要你肯捱三、五十年，年輕人上車其實一啲都唔難。今日上網，見到一名月入8,500元的26歲年輕人，自稱每月可儲一半以上人工，自稱股票加戶口存款合共有25萬元揸手。sponsored

這名年輕人的確是可造之材！不過，我再望望他慳錢的方法，實在太辛苦自己了。想儲錢，問我啦！慳錢我敢認第二，冇人敢認第一！潮人由衣食住行列出慳錢大法。衣我無做紡織業的家人，著不起Armani，但我可以每個月換新衫！秘訣？好簡單！不剪牌、記得keep單，一個月內完好無缺就可以到某某連鎖時裝店退錢。當然唔係叫你所有衫都拎去換，但遇上見客應酬、同事朋友請飲、公司Annual Dinner、中學同學聚會麻煩dress code，「30日內退貨機制」都幫到你。sponsored 今日我還帶了「bb豬」去血拚：「bb豬，今日任買！」嘩，幾霸氣。但我補充一句：「不過記得唔好剪牌，著完一個月拎返黎退錢！」我以為「bb豬」會飛撲攬住我，然後大叫：「月月都買新衫，咁好的男朋友邊到搵？」點知她一巴掌打過來：「死cheap 精，留返你自己著啦！」食近日老麥又有優惠劵，撞正阿強買超值套餐，在他比錢的0.99秒，即時遞上「送蘋果批」優惠劵，中午又有著落。至於正餐同晚飯最慳錢的境界，當然是回家食飯再返工帶飯！聽聞港女最鍾意食魚生壽司，眼見今個月儲錢成績不錯，還有洗閒錢的空間，於是我準時到「bb豬」公司接放工，然後說：「bb豬，今晚帶你食壽司！」「bb豬」興奮地說：「好呀！我要食海膽、魚子、帶子！」sponsored 「當然無問題，月尾好好食返餐！不過我地拍下拖，行陣街先啦！」當然，千其不要去廣東道一帶高危地方，否則「bb豬」睇好手袋，你的荷包隨時失守。然後到晚上10點，可以食壽司了。無錯，就是窮人恩物爭鮮，原價3蚊件，臨關門前15至30分鐘還有大割引，2蚊件。三文魚、海膽、魚子、帶子一應俱全，還不用加一！兩個人豪食，100蚊有找！回頭問「bb豬」想食甚麼，只見她玄壇口面說：「你食自己啦！」住沒有物業的香港人，每月最大開支一定是屋租。如果你有一間公屋，已經贏在起跑綫上，一班租私樓捱貴租的人已經望塵莫及。如果要成為人生勝利組，必須要有「廿四孝父母」，因為與父母同住，一毫子屋租都不用付。不過每逢傳媒報道乜乜乜年輕人上車勵志故事，阿媽總會發口痕怨兩句：「牛高馬大，好心就自己儲錢上車啦，第時點結婚！」sponsored 此時你要啟動最天真、最pure、最true的乖仔mode：「講呢啲，我成世都痴住你架喇阿媽，搬出去點照顧你？」又可做孝順仔，又可慳錢，何樂而不為？行正所謂早起的鳥兒有蟲吃，早起搭車都可以慳一筆。雖然港鐵又加價，但只要我在早上8:15分前出閘，車費就有75折優惠。不過，通常我都唔知醒遲到。但我還有後著，行15分鐘到某某商場1樓的「港鐵特惠站」拍一拍卡，即時可以慳兩蚊。既可多睡30分鐘，又可以慳錢！病小病咳兩聲，我通常都唔睇醫生，但當然要食藥啦，不過到藥房買藥都唔平，所以我返工都會靜靜雞到公司pantry拎止痛藥、乜乜傷風素，仲順手攞多兩塊膠布旁身。如果你慳錢慳到這一個境界，相信你已經進化成一個「縮骨精」，距離無女朋友、無朋友的日子不遠，屆時零娛樂，連街都不用出，相信儲錢能力又會進一步提昇，上車指日可待！sponsored 以我現時月入1.5萬元，每月大約可儲1萬元，3、4年便有近50萬元積蓄。如果我心頭不高，買一層約300萬元的居屋不成問題！阿強聽完我的上車大計，不屑地笑一笑：「對呀！上車後準備做成一世樓奴！」數數手指，我的慳錢無間地獄還要繼續二、三十年......