召喚霞姨！史上最流「金融才俊」，偷跑車相扮係自己，比人督爆，柒出國際大起底！

召喚霞姨！史上最流「金融才俊」 2016-05-04 14:24小編經常都話睇星爺電影真係學到唔少至理名言，好似佢喺《喜劇之王》一句「精神啲，臨時演員都係演員嚟！」，喺日常生活真係經常應用到。可惜，唔係個個都有睇星爺的電影，唔明白咩叫「專業」，就好似以下呢位在倫敦掘金的朋友咁……
相信大家喺FB都見唔少「金融才俊」的專頁，佢哋通常會曬一大疊金牛、多隻名錶或者多部名車的相片，然後話自己如何努力不懈發大達，無經驗無學歴都可以月入六位數，叫大家加入佢公司云云。不過呢位人稱「黎總」的金融才俊，佢個專頁就似乎唔夠專業，幾乎每出一個post都會被網民狙擊，偷圖改圖、圖文不符咩都齊，大家不妨欣賞欣賞……
sponsored
話說黎總話自己同成班兄弟去赤柱食tea，仲一行十幾部林寶堅尼跑車泊喺路邊，何其壯觀！不過隨即有網友發現呢張係林寶堅尼官方活動的相片，已經係早幾年的新聞… 不過有得FF係「開心仔」嘅！
作為金融才俊，黎總又點只得一部靚車，限量版超跑一樣歸佢！不過佢出張相連水印都懶得cut，就索性話個攝影師係自己朋友… 實在既方便又快捷。

又係去年12月時，黎總影自己著皮褸、戴名錶兼揸跑車返工，不過有網友一眼就見到張相係2011年影的…… 霞姨！！！

黎總話同班兄弟落club，用幾萬蚊濕濕碎！不過有網友就提出一個非常技術性的疑問，解釋佢張相點解會有粗黑邊。兼且突破盲腸，發現佢12月咁凍時仲著短褲，而且…男士入夜場一定要著長褲是常識吧？
要曬自己有錢，落club開酒影相都係一個唔錯的方法。黎總呢日影自己開咗三支酒，不過就有網友笑指呢三支酒隨便喺超市同便利店都買到，加埋一千蚊都唔使！另外又有好真心的網友推介佢飲另一種酒，點知黎總霸氣回應︰「我去玩唔使你教」。

嚇？邊個係你BB呀？
黎總話自己同一大班同事去玩，仲話個個都係「令仔令女」，不過網友一望就覺得… 喂個個一樣樣嘅？sponsored
最後睇嚇黎總一日幾十萬上落的實況，不過啲道具就認真唔掂，右邊直頭係張key圖嚟，咁叫小編點跟你搵食呀黎總！不過睇到依家，可能唔少讀者都覺得呢個黎總其實擺明玩嘢，想串爆嗰啲聲稱發達的土豪才俊。實在曲直難分，曲直難分……全文完

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁