《殭》謝安琪逼爆衫被綁床上　點解咁大呀？

有人日日「利申無睇膠劇」，亦有捱過頭段的觀眾覺得《殭》都叫做有些少起色，尤其是藍夢南（謝安琪）有返記憶做返殭屍之後唔使再用低B聲發姣，啲戲順眼咗啲，而發姣同「旅遊特輯」重任交曬俾個妹藍夢瑤（巫婆琳）。咁當然，巫婆琳條線係幾悶幾趕客嘅。覺得劇情／演技無欣賞價值，都有第二啲嘢睇嘅。好似前晚（19集）開始一連2集結尾，講到不死人龐應天（關禮傑）跟住戒指去殮房搵殭屍凌風（陳山聰）點知只搵到藍夢南，就捉咗佢同藍夢瑤兩姊妹逼供，想查出佢哋嘅關係。有唔少觀眾、網民覺得2幕都相當有睇頭，「好逼爆」、「點解咁大」咁話。 前晚先被困喺房：

之後昨晚再綁喺床：








有觀眾、網民笑言「識綁點會咁綁」，亦有一說好奇點會瞓喺度都咁曲線、咁堅挺，而今晚（5月3日）預告中揸頸一幕亦有觀眾回帶最近中午翻播的《棟篤神探》，以為關禮傑會好似郭峰咁揸錯第二度：


想在手機閱讀更多娛樂新聞資訊？下載【GigCasa 激趣網】Android應用

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁