值得一生一世嘅「好腰好腎好男人」，系咁樣嘅！

呢個世界可以退讓嘅嘢好多，但系唔包括婚姻，因為嫁俾唔適合嘅人，就算滿足咗生活需要，討好咗屋企人，最終亦都系好似貼錯門神咁折磨你嘅內心幾廿年。
所以搵到一個陪你行到老嘅人，唔好只留意佢嘅外在條件有幾好，應該睇下佢有幾單純咁去愛錫你。

一個值得一生一世嘅「好腰好腎好男人」，對自己嘅要求唔會只停留喺不離不棄同儲錢養你咁低level嘅層次，而系識得以你嘅角度出發，好多嘢都以你為先，唔會將公平不公平掛喺嘴邊。
因為佢明知大家嘅付出系不平等嘅，但系喺佢眼中，男仔唔單只系一種性別，更加系一種承擔嘅身分。


要學識唔好凡事斤斤計較，唔好將另一半睇成鍾意嫌三嫌四嘅「港女」，唔好下巴輕輕，而系要講到做到，至少會俾你見到佢嘅努力。
就系因為呢種承擔同責任心，佢會寧願自己行前幾步，甚至幾廿步，都唔捨得令你咁辛苦，變成缺乏保護同依賴嘅女漢子。

因為佢好清楚，女仔會從小鳥依人變得粗粗魯魯，系因為無人無物，唯有食自己；女仔會從粗粗魯魯變成小鳥依人，系因為佢唔使頂硬上，唔使戴住面具做人。

所以佢願意將所有嘅精神時間擺喺你身上，陪你傾計食飯，錢用曬可以再搵，將自己嘅人生同世界同你分享，時間用曬就無嘅喇，咪仲奢侈。

當佢愛得你夠深，「肯定」唔會覺得陪伴你系曬時間；唔會講同你行街好無聊，就算乜都唔做，靜靜咁喺你身邊，亦都會覺得令舍珍貴。
一碗靚湯，就算放咗山珍海味，無咗微不足道嘅鹽，仲系會難飲到喊；一位情人，就算俾你榮華富貴，如果唔識單純咁愛錫你，呢種人又點值得你一生一世咧。



系，或者宜家佢唔系好疊水，但系只要佢個心真系裝住你，上進心系可以彌補後天條件嘅不足嘅。
生活可以慢慢改善，未來可以一步步建立，但系喺一齊嘅機會無咗，就真系無咗。珍惜眼前人。


来源：mp.weixin.qq.com


[size={defaultattr}]
sponsored

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁