唔著皮褲嘅後果係… 宇宙巨漿bra top襯「尿片」全城嘔血

:0:0

宇宙巨漿呢一身螢光綠毛衣搭上反光膠bra及識得郁嘅移動成人尿片look真係俾到驚喜大家。(網上圖片)
尿片係BB仔嘅恩物，但有冇人會估到尿片會用喺宇宙巨漿(G.E.M.)身上呢?

俾個全身look俾大家睇。(網上圖片)

嘩!仲唔係嚟自銀河系嚟拯救地球嘅女神。(網上圖片)

話說日前(23日)在深圳舉行嘅QQ音樂巔峰盛典上，嚟自宇宙嘅巨漿竟然著上連高登瓊姐睇完都咋舌嘅螢光綠毛毛外套搭上反光膠bra及識得郁嘅移動成人尿片上台獻唱，真係睇到連強國歌迷都連場叫「嘩」，簡直係完全融入強國東莞fat唇世界另一癲峰之作。

G.E.M.喺IG咁樣講。(網上圖片)

有網友叫巨漿著返皮褲喎。(蘋果日報圖片)
宇宙巨漿以呢一身超東莞look跳到咁上下，就乾脆脫下照耀宇宙嘅螢光綠毛毛外套，得番件膠膠反光bra同移動成人尿片瘋狂熱舞，而網友們睇完巨漿以呢個look跳呢段舞後，都狂呼要噴血，更加有網友叫巨漿著返皮褲:「你還是穿皮褲吧!」

呢位就係巨漿專用嘅英國時裝設計師Emma Wallace。(網上圖片)

有網友即時整咗張巨漿fat唇圖。(網上圖片)
網友們就不停對巨漿呢一個東莞螢光移動尿片look勁彈，不過巨漿先唔得閒理網友嘅批評，繼續喺佢ig勁po當晚嘅相，仲tag埋佢專用嘅英國時裝設計師Emma Wallace個名﹛完全投入自我陶醉嘅世界之中。呢位巨漿專用時裝設計師Emma Wallace來頭不少，畢業於Nottingham Trent University，更擁有自己的時裝品牌，而佢都多次大讚巨漿有機會成為香港新一代時尚icon，不過唔知點解每次巨漿著上佢設計嘅衫都令好多地球人留意兼討論，且負評居多，應該係地球人唔識欣賞宇宙fat唇啫，下次巨漿不如直接著太空衣出騷應該會順眼啲。