【有互屌圖】跟住矛盾去講車 杜如風嘴炮小姓奴！!。。。

網絡上近日又掀起一場腥風血雨！今次螢光幕白衫左攻右係經常帶大家遊日本、備受觀眾歡迎的「世界級港女」杜如風，而黑衫右攻左就係網絡世界赫赫有名、綽號「小姓奴」的網絡作家於日辰！兩人看似風馬牛不相及，點解會在網上罵戰，連帶雙方支持者都加入戰團呢？

事緣係杜如風早前轉載一段新聞，新聞內容大意係有關日本本田最新 一代NSX超跑開始接受預訂，售價逾400萬港元！對此杜如風未敢苟同，留言指呢個價錢比意大利出產的超跑還要貴，質疑一架日本車根本唔值呢個價。
但係杜如風此post一出，即時觸動唔少車迷的神經，其中包括高登仔推崇的網絡作家於日辰。辰兄在其FB專頁「一日之計在於晨」發表一篇以《有乜咁出奇？》為題的長文，講出本田NSX係東洋跑車界的一個神話、歷史有幾輝煌、對車迷來說有幾神聖等，總之就係話一個「港女」根本唔會明白呢種「男人的浪漫」，強調NSX賣呢個價錢係好合理！
杜如風一向霸氣十足，有嗰句講嗰句，當然唔會默不作聲！佢好快就在FB回應晨兄，話一部車的價格值得定唔值得，從來只在於買家的個人觀感。另外又提到意大利車廠幾十年來出產多款經典超跑，「血統」夠純正，品牌價值一定比本田為高。最後話自己雖然係港女，不過港女唔代表對靚車唔熟悉！
杜如風回應完，又到於日辰再回應，佢字裏行間暗寸杜如風搬數字出嚟拋書包，根本唔明白NSX的精神。佢表示所謂超跑「血統」唔應該係以國籍區分，而係從歷史及能力去睇，所以超跑唔一定係歐洲先有。
杜如風同於日辰在網絡世界都有唔少支持者，兩人開火，支持者當然要加入戰團。不過由一開始真係討論日本車同歐洲車之比較，到後來發展到男女大不同的分歧，咁就真係法官大人都解決唔到，小編唯有同大家一齊食花生……






想在手機閱讀更多娛樂新聞資訊？下載【GigCasa 激趣網】Android應用

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁