《純熟意外》劇透 吳啟華自爆不死人真身

無綫劇《殭》上月已播完，不過劇中不死人及殭屍等角色早已深入民心，唔少觀眾依然念念不忘。加上劇集留有不少伏線，似乎會有續集睇！而現正熱播的劇集《純熟意外》看似同《殭》無甚關係，但原來劇中都隱藏住一個不死人！就係吳啟華飾演的喬文傑！sponsored 《純熟意外》初出街時沒甚回響，加上由勁冇觀眾緣的蔡思貝擔正，搞到劇集早早被插！不過隨劇情愈來愈刺激緊湊，而思貝演技亦進步不少下，劇集終開始多人討論。其中「師奶殺手」吳啟華飾演的喬文傑，觀眾對其真實身份有唔少揣測，有人話佢個角色好有蝙蝠俠的影子！sponsored sponsored 因為喬文傑呢個角色係個西裝骨骨的有錢人，身邊又有個老管家服侍，開口埋口都係「少爺」，成個設定同蝙蝠俠中的Bruce Wayne及Alfred好相似。仲要咁好身手！實在好令人懷疑佢係咪半夜會換蝙蝠裝出動囉！sponsored sponsored 而觀眾另一個說法就係，喬文傑好有可能同「刑活著」一樣，係不死人！首先係劇集中不時會出現喬文傑著古裝的鏡頭，但佢之後一直在現代生活，感覺上似係由古代活到現在；之後第六集講到喬文傑遇上車禍，俾車撞到飛起，全身沾滿血跡，但佢死唔去之餘仲可以自己行返屋企養傷！sponsored 唔通《殭》入面尚未露面嗰四位不死人之中，其中一個就係喬文傑？咁可能吳啟華會加盟《殭》續集啦！觀眾不停猜測，所以吳啟華本人就決定嚟一個大劇透！佢日前接受訪問時就話其實喬文傑呢個角色係一個由元朝活到現代，已經700多歲的不死人！而下星期的劇情就會交代角色的真正身分。啟華話原來古時公主李施樺俾咗長生不老藥佢食，所以一直活到現代，不過佢就只係有自癒能力，唔似得刑活著咁好打或者都敏俊咁樣有超能力。sponsored

本篇	不想錯過? 請追蹤FB專頁!

喜歡這篇嗎？快分享吧！

前一頁 後一頁