【真人真事】香港城市傳聞西貢行山遇結界差D無命

:0:0

今年6月18日，人稱鵬哥嘅行山發燒友張善鵬，獨自去西貢北潭涌行山。
經過大枕蓋，佢發現天色轉差，大約早上10時喺Facebook出post話想落雨，嗰頭個天就即刻用驚天雷「回敬」佢。
鵬哥留言大叫「好邪」，跟住急急腳落山。不過，到佢喺入山囗見雷雨雲似乎過咗，於是改變主意，繼續行程。

喺6月18日出完呢個Facebook Post後，鵬哥就失去聯絡。(網上圖片)
一度被困山上的張善鵬，事後於7月3日在Facebook發布三千字長文，講述迷路期間多宗離奇怪事，包括多次遇上忽然消失的行山客；
疑似鬼打牆，不停在同一地方繞圈；一覺醒來發現物換景移，兩條瀑布一夜間變成一條；聽到四周岩石傳出嘈雜人聲，彷彿每塊大石都住了一戶人家。

誰不知，鵬哥自此失去同外界嘅聯繫。直到6月21日晚上10時許，佢終於喺鹹田灣遇上警察，而身體只有輕微損傷，總算平安無事執番身彩。
究竟佢喺呢四日三夜（近85小時）發生過乜事？同時喺冇食過嘢嘅情況下點樣「保住命仔」？
事發半個月後（7月3日），鵬哥喺facebook貼咗一篇三千字嘅文章，交代佢呢個「奇幻之旅」......
「開始落山時還蠻順利的，但下了大約幾十米後又好似唔多對路，好似怎行同目標距離都無縮短到......覺得迷迷糊糊……

不知怎地沒能下山，返而轉了入山谷裡……途中竟然又望見對面山係個好似沙嶺咁樣嘅墳場。
雖知有墳埸就一定有路走，但西貢西灣－帶何來有墳場，呃我唔倒(到)嘅！果然轉眼又變返樹林......」
（節錄自張善鵬facebook）
究竟當中描述係真定假？當然只有鵬哥知道，不過有人話係佢嘅幻覺，又有人話佢進入咗異度空間、或者係西貢隱藏嘅「結界」……
蘋果動新聞特意根據鵬哥facebook貼文嘅描述，將一幕幕曲折離奇嘅經歷以動畫形式重現大家眼前。
約10年前發生於西貢的2宗離奇失蹤案，一死一下落未明。

05年9月警隊休班探員丁利華在西貢行山時迷路，打電話求救後信號中斷，當局曾派出大批人員搜救，至今他仍人間蒸發。
一個月後，童軍領袖兼有豐富行山經驗的袁志勇，據稱為陪同4名女生參加香港青年獎勵計劃的銀章考試，一行人由西貢嶂山經石屋山、蛇石坳前往海下。
當日，袁因感冒不適，行山途中服藥需要休息，4名女生先行，他未有趕上，自此失去蹤影。
2日後警方在一處密林發現袁的屍體，估計他暈倒後失救致死。

更匪夷所思的，是網絡小說家孔明的作品《失蹤》，部分情節竟與張善鵬事件不謀而合。小說講述主角在陰差陽錯下闖進西貢山頭的「結界」，他不但跟張善鵬一樣，手機在迷路期間收不到訊號，而且同樣遭遇類似鬼打牆的現象。
最吊詭的，是主角身處荒山野嶺居然沒碰到任何昆蟲，在不遠處看到人影，大叫大嚷對方又沒有反應，後來更突然消失 —— 這兩點都跟張善鵬的描述極為相似。

雖然小說的實體版今年7月20日才於書展首次發售，但其內容早在出書前於網上分段連載；當中跟張善鵬經歷相似的部分散落不同章節，不過最遲一節今年3月亦已在網上發表。換言之，比起6月發生的張善鵬事件，這些情節至少早了3個月。
到底小說是否無意中成為預言書﹖就連作者孔明都不敢斷言。
然而，無論預言是否純屬巧合，他對張善鵬的奇遇都有同一想法：「我自己覺得佢係真係入咗結界。」
所謂「結界」到底是甚麼﹖且聽孔明解話：「我認為結界就係入咗一個冇人可以睇到你嘅空間，你會分唔到東南西北喺邊度，你發覺你自己走嚟走去呢，都係好似行緊同一個位咁樣。」
據他講，高登等討論區所講的「西貢結界」，範圍大概是指北潭涌、大枕蓋、大蚊山、蚺蛇尖一帶，亦即跟張善鵬迷路的位置脗合：
「佢出發嘅位置應該係大枕蓋嗰度啦，諗住行落去北潭凹為之終點，大概個路線應該幾粒鐘行完㗎喇。
但係佢描述失蹤嗰個地點呢，反而就係大蚊山呢個範圍度，其實都離好遠架。」